租霸個案資料 - 簡玉X - 香港租霸黑名單

(#724833)
類別 資料
日期2020-07-04
租客姓名簡玉X
性別
職業未有資料
公司名稱未有資料
身分證號碼 (部分)K303XXX
涉及事項欠租, 衛生問題
資料來源及詳情互聯網 (網址)
詳情早兩日終於收樓了,自問對租客仁至義盡。欠租4個月,終於搵到佢交租,交左1個月又唔交,又話經濟困難,又話供書教學,又話家人重病。好人有好報,我同佢講,你經濟有問題,你有錢先交啦。之後又話武肺想我減租,減佢一次過半個月租,佢話好多謝你呀,又咩又麥咁。之後交左1次,又唔交租。前前後後keep住欠2至3個月租。

我真係天真地信好人有好報,點知5月24號打黎,問我仲減唔減租,唔減佢就唔再租。我話唔減啦,咁佢話唔再租了。當時佢仲係欠緊2個月租。我即刻搵agent放盤啦。過2日又話繼續租,咁我話好啦,本來嘅退租日(6月23)當無講過啦,然後即刻叫agent停放盤。5月30號打黎話都係唔租啦,6月23 last day. 我話唔得呀,1個月通知嘛。佢話5月24號通知左你架啦!我唔肯,於是佢話算啦,我俾多7日租!?俾多?你係應份架,ok? ( 我無咁講出口!)

到我搵agent安排睇樓,佢最初話只可以星期六日 (5月30係星期六囉!已經無左第一個weekend!), 到下一個weekend, 佢話唔得閒,再下一個weekend, 佢話間屋好亂唔可以俾人入去,再下一個weekend又話有家事唔在家,然後就係最後一個weekend佢call左搬運公司搬屋。我係完完全全無辦法安排睇樓!

收樓時,間屋..... D 塵仿似白雪,煤氣爐有蜘蛛網,洗手盤由白色變成橙紅色!收樓經驗唔多,唔知可唔可以收番清潔費。但收樓當日無諗清潔費呢樣野,退租書無寫...

跟住買新冷氣機嘅費用,租俾佢當時講左一人一半,因為當時平左2000蚊租俾佢。之後佢話我在電話應承佢我俾全費。咁合約又無寫一人一半(因為簽約時無話要買冷氣機)。嘩,跟住呢,發難,話我個單位唔靚,又殘,又要重新油油,咩咩麥麥咁,佢話佢肯租已經好好。

我反駁佢,你睇左樓先租嘅,我平左2000蚊俾你架!油油錢我俾架,仲免多左5日租!同埋閣下唔交租又話要減租,然後再叫我減租唔減就唔租,直到話退租又話繼續租然後又唔租,又唔俾我搵人上去睇樓,我都無野好講。

佢當初睇完樓交樓俾佢時,我有話去搵人油油嘅,佢話唔洗,佢地自己油,叫我免幾日租同俾油錢就得。收樓時,係,有油油,但傢俬遮到嘅地方佢地係無油。咁我俾同樣嘅錢(5日租+油錢)出去搵人油,已經油晒全屋啦!而家閣下要我俾晒新冷氣機錢,本身個冷氣唔貴,但明明講左一人一半,佢又要我俾晒!

大家估下佢點回應?佢話,咁我搵人上去拆番部冷氣機,搵木板封番個窗。本人平時都唔講粗口的,但呢個真係bitch! (again, 我在心裡講啫)跟住佢仲話要番租金收據,住左一年,未試過問收據,到退租先黎要收據,唔知係咪有咩目的?

按金我未退俾佢,但清潔費如果收樓當日我無提出,係咪唔可以扣架啦?

有d人,對佢仁慈係無用架.... 佢係咁得寸進尺... 最後我同佢講,你有咩搵agent, 唔好再搵我了!

租客名字:[hidden]。老公姓[hidden]
身份證:[hidden]
電話頭4個字:[hidden]
職業:會計 。老公職業:工程師
一家四口,一仔一女,兩個都讀大學
相片相片1
相片2
相片3
相片4
相片5

因私隱考慮,部分資料已被隱藏,如任何人士欲移除或修正資料,或有任何其他查詢,請電郵至[email protected],我們將盡快處理。請注意,資料由業主提供,未經HKCoding核實。

← 返回主頁